‘राजमुद्रा’ सेवाभावी ग्रुपतर्फे वृक्षारोपण

फैजपूर, ता.यावल : प्रतिनिधी
येथील ‘राजमुद्रा’ सेवाभावी ग्रुपतर्फे मधुकर सहकारी साखर कारखाना ते न्हावी मार्ग रस्त्याने वृक्षारोपण करण्यात आले. त्यात वड, पिंपळ, कडुनिंब, बहावा, जांभुळ, रामफळ अशा उपयुक्त झाडांच्या २५ कलमा लावण्यात आल्या. कार्यक्रमाला ‘राजमुद्रा’ ग्रुपमधील किरण मोरे, प्रवीणदास महाराज, वीरेंद्र जैन, सुजित गलवाडे, मयूर जैन, मेहुल जैन, प्रशांत भावसार, करण सितापुरे आदी कार्यकर्ते उपस्थित होते. ‘राजमुद्रा’ ग्रुपचे कार्यकर्ते दरवर्षी पावसाळ्यात वृक्षारोपणाचा कार्यक्रम हाती घेऊन यशस्वी करतात. ‘राजमुद्रा’ ग्रुपच्या स्तुत्य कार्याचे सर्वांनी कौतुक केले.