जामनेर : प्रतिनिधी
येथील मधुकर नथ्थू पाटील (वय ६६) यांचे आज पहाटे ५ वाजता पाचोरा येथील रुग्णालयात हृदयविकाराने निधन झाले. जळगावातील प्रिटींग क्षेत्रातील ते जुने व अनुभवी कर्मचारी होते.प्रारंभीच्या टप्प्यात दैनिक जनशक्तीत काम केल्यानंतर ते साईमतच्या प्रिटींग विभागात सक्रीय झाले होते.त्यांनी अनेक वर्ष निष्ठेने साईमतमध्ये सेवा दिली.कोरोना काळात त्यांनी अलिकडे विश्रांतीसाठी जामनेर निवासस्थानी मुक्काम केला होता.
ते स्वभावाने प्रेमळ व मनमिळावू होते.त्यांच्या पार्थिवावर आज दुपारी अंत्यसंस्कार करण्यात आले.त्यांच्या पश्चात पत्नी, दोन मुले, एक मुलगी, जावाई, सुना, नातवंडे असा परिवार आहे.
