साईमत लाईव्ह चाळीसगाव प्रतिनीधी
येथील चाळीसगाव तालुका विधी सेवा समिती व वकील संघ यांचे संयुक्त विद्यमाने जागतिक अमली पदार्थ विरोधी दिवस ‘ या विषयावर ऑनलाईन शिबीर घेण्यात आले.
महाराष्ट्र राज्य विधी सेवा प्राधिकरण , मुंबई व जिल्हा विधी सेवा प्राधिकरण, जळगाव यांच्या निर्देशनाप्रमाणे जागतिक अमली पदार्थ विरोधी दिवस या विषयावर तालुका विधी सेवा समिती , चाळीसगाव आणि वकील संघ चाळीसगाव तसेच व्हीजन क्लासेसचे संचालक प्रा.धनंजय पाटील यांचे संयुक्त विद्यमाने ऑनलाईन शिबीर घेण्यात आले.
शिबीराची प्रस्तावना व सूत्रसंचालन तालुका वकील संघाच्या सचिव अॅड. माधुरी बी . एडके यांनी केली. यावेळी ग्रामीण पोलीस स्टेशनचे पोलीस निरीक्षक संजय ठेंग केले यांनी मार्गदर्शन केले. ते म्हणाले की, जागतिक अमली पदार्थ विरोधी दिवस युनाटेड नेशनचा अध्यादेश ४७ / ११२ दिनांक ०७ डिसेंबर १ ९ ४७ नुसार दरवर्षी २६ जून रोजी आंतरराष्ट्रीय अमली पदार्थ विरोधी दिन साजरा करण्यात येतो. प्रामुख्याने हा दिवस साजरा करण्याचा हेतु हा विविध स्तरातून अमली पदार्थ विरोधी जनजागृती व्हावी हा उद्देश आहे . पुढील पिढीला अमली पदार्थापासून वाचविणेसाठी कुटूंब संस्था , शिक्षण संस्था , वैद्यकीय संस्था , शालेय अभ्यासक्रमातून अमली पदार्थाच्या शरिरावर होणा – या दुष्परिणामाबाबत जागृती होणे आवश्यक आहे . त्याचप्रमाणे समाजस्वास्थाच्या अनुषंगाने अमली पदार्थ मद्य उत्पादनावर बंदी आणावी ही अपेक्षा व्यक्त केली . तसेच अमली पदार्थांची विक्री ही दिव्यांग व कमकुवत व्यक्तींना हाताशी घेवून केली जाते याबाबत खेद व्यक्त केला.
तालुका विधी सेवा समितीचे अध्यक्ष तथा दिवाणी न्यायाधीश व स्तर एन. के. वाळके यांनी अध्यक्षीय भाषणात विषयास अनुसरुन कायदेशीर माहिती दिली व उपस्थितांशी संवाद साधला.
कार्यक्रमास अॅड . वर्षा देवरे , खजिनदार तालुका वकील संघ चाळीसगाव , अॅड . कविता जाधव , अॅड . योगिता निकुंभ , अॅड . भुषण एडके , अॅड . राहुल वाकलकर , सदस्य तालुका वकील संघ चाळीसगाव , चाळीसगाव तालुका वकील संघातील सदस्य , व्हीजन क्लासेसचे विद्यार्थी व न्यायालयीन कर्मचारी डी.के. पवार , व. लिपीक , डी . टी . कु – हाडे उपस्थित होते . कार्यक्रमाचे आभार तालुका वकील संघाचे अध्यक्ष अॅड . भागवत के . पाटील यांनी केले.
