सुरत : वृत्तसंस्था
मुख्यमंत्री उद्धव ठाकरे यांनी आज दुपारी 12 वाजता शिवसेनेची बैठक बोलावली आहे. तत्पुर्वी शिवसेनेचे महत्वाचे नेते आणि महाविकास आघाडीतील नगर विकास मंत्री एकनाथ शिंदे हे सोमवार संध्याकाळपासून नाराज असून ते नॉट रिचेबल आहेत. एकनाथ शिंदे हे सध्या गुजरातमध्ये असून ते आज दुपारी 12 वाजता सुरतमध्ये पत्रकार परिषद घेणार आहेत.
राज्य सभा पाठोपाठ विधान परिषदेतही शिवसेनेच आमदार फुटले शिवसेनेच्या अनेक मंत्र्यात सध्या नाराजी नाट्य सुरू आहे. मुख्यमंत्री उद्धव ठाकरे यांनी आज दुपारी 12 वाजता शिवसेनेच्या सर्व आमदारांची बैठक बोलावली आहे. तर तिकडे नॉट रिचेबल असलेले एकनाथ शिंदे हे सुरतमध्ये आज दुपारी 12 वाजता पत्रकार परिषद घेणार आहेत.
हे आमदार नॉट रिचेबल
एकनाथ शिंदे हे काल संध्याकाळपासून नॉट रिचेबल असून, शिवसेनेचे आणखी 13 आमदार देखील नॉट रिचेबल आहेत. त्यामध्ये मराठवाड्यातील संदीपान भुमरे, संजय शिरसाट, रमेश बोरनारे, उदयसिंह राजपूत, ज्ञानेश्वर चौगुलें, खानदेशचे किशोर पाटील, चंद्रकांत पाटील इतर आमदार नॉट रिचेबल आहेत.
