यावल, प्रतिनिधी । यावल नगर परिषद हद्दीतील विकासक व लेआउट धारक यांनी कोणतेही सुविधा न देता भूखंड विकसित केल्या बाबतचा अहवाल यावल तहसीलदार यांनी गेल्या 6 महिन्यात प्रांताधिकारी यांना न दिल्याने प्रांताधिकारी यांनी दि. 28 जानेवारी 2022 रोजी यावल तहसीलदार महेश पवार यांना स्मरण पत्र देऊन चौकशी अहवाल पुराव्यासह 7 दिवसाच्या आत सादर करण्याचे स्मरण पत्र दिले आहे यामुळे आता यावल तहसीलदार काय कार्यवाही करणार? याकडे संपूर्ण यावल तालुक्याचे लक्ष वेधून आहे.
यावल नगरपरिषद हद्दीतील विकासक,लेआउट धारक यांनी कोणत्याही सुविधा उपलब्ध करून न देता भूखंड विकसित करून प्लॉट विक्री करून टाकलेले आहेत यांची चौकशी होऊन कार्यवाही करणेबाबत यावल येथील राजेश कडू महाजन यांनी दि.28/5/2021रोजी उपविभागीय अधिकारी फैजपूर भाग यांच्याकडे लेखी तक्रार केली होती त्यानुसार प्रांताधिकारी यांनी दि.19/7/2021रोजी यावल तहसीलदार यांना चौकशी करून विस्तृत अहवाल पुराव्यासह 7 दिवसात सादर करण्याचे लेखी पत्र दिले होते आणि आहे.
परंतु गेल्या 6 महिन्यात यावल तहसीलदार महेश पवार यांनी चौकशी करून अहवाल न पाठविल्याने आता पुन्हा दि.28 जानेवारी 2022रोजी स्मरण पत्र देऊन चौकशी अहवाल पुराव्यासह या कार्यालयात 7 दिवसाच्या आज सादर करावा असे स्मरण पत्र दिले त्यामुळे यावल तहसीलदार चौकशी अहवाल पाठविणार आहे किंवा नाही याकडे आता संपूर्ण यावल तालुक्याचे लक्ष वेधून आहे.
