स्वामिनारायण मंदिराच्या वर्धापन दिनानिमित्त विद्यार्थ्यांना वह्या वाटप

 फैजपूर, ता.यावल : प्रतिनिधी

येथून जवळच असलेल्या पाडळसे येथील स्वामिनारायण मंदिराच्या पाचव्या वर्धापन दिनानिमित्त इयत्ता पहिली ते पाचवीच्या विद्यार्थांना मोफत वह्या वाटप करण्यात आले.

पाडळसे येथील स्वामिनारायण मंदिरात झालेल्या कार्यक्रमात साकेगाव स्वामिनारायण गुलकुलचे प.पु.स.गु.के.के.शास्त्री, कथा वक्ताश्री शास्त्री नयन प्रकाश दासजी जळगाव यांच्या प्रमुख उपस्थितीत विद्यार्थ्यांना वह्या वाटप करण्यात आल्या. कोरोनाने विस्कळीत झालेले जीवन पूर्वपदावर येत असताना शाळा सुरू होण्याच्या अगोदर गोरगरीब विद्यार्थ्यांना मोफत वह्या वाटप झाल्याने विद्यार्थ्यांमध्ये उत्साहाचे आनंदाचे वातावरण आहे.