जळगाव ः प्रतिनिधी
येथील जळगाव स्त्रीरोग तज्ज्ञ सोसायटीच्या अध्यक्षपदी डॉ.सीमा राजेश पाटील यांची तर सचिवपदी डॉ.दीप्ती पायघन यांची निवड करण्यात आली.
रविवार 12 रोजी सकाळी 10 वा. हॉटेल प्रेसिडेंटच्या सभागृहात स्त्रीरोग तज्ज्ज्ञ व माजी खा.डॉ.उल्हासदादा पाटील, रायसोनी इन्स्टिट्युटच्या संचालिका डॉ.प्रिती अग्रवाल व आयएमए जळगावचे सचिव डॉ.जितेंद्र कोल्हे यांच्या प्रमुख उपस्थितीत पदग्रहण सोहळ्याचे व एकदिवसीय चर्चासत्राचे आयोजन करण्यात आले होते.
मावळत्या अध्यक्षा डॉ.सुजाता महाजन व सचिव डॉ.सारिका पाटील यांनी नूतन पदाधिकाऱ्यांना पदभार सुपूर्द केला. नूतन कार्यकारिणीत उपाध्यक्षपदी डॉ.प्रिती दोशी व कोषाध्यक्ष म्हणून डॉ.स्वप्निल रावेरकर यांची निवड करण्यात आली. डॉ.उल्हास पाटील व डॉ.प्रिती अग्रवाल यांनी यावेळी मनोगत व्यक्त केले.
अध्यक्ष डॉ.सीमा पाटील व सचिव डॉ.दिप्ती पायघन यांनी 2022 ते 2024 या त्यांच्या कालावधीत किशोरींच्या आरोग्यासंबंधी, मासिक पाळीविषयी तक्रारींचे निरसन, शारीरिक व मानसिक आरोग्याची काळजी या विविध विषयांवर शिबिरे व चर्चासत्रांचे आयोजन करण्याचा संकल्प व्यक्त केला. सूत्रसंचालक डॉ.सुयश नवाल, डॉ.शीतल भोसले, डॉ.प्रिती भारुळे यांनी केले.
यानिमित्त आयोजित एकदिवसीय चर्चासत्र व परिसंवादात यवतमाळ येथील डॉ.स्नेहा भुयार व डॉ.गिरीश माने यांनी मार्गदर्शन केले. यावेळी जिल्ह्यातील स्त्रीरोग तज्ज्ज्ञांची उपस्थिती होती.यशस्वीतेसाठी डॉ.निलेश लाठी,डॉ.भावना चौधरी, डॉ.निलिमा बोरोले, डॉ.पुनम दुसाने, डॉ.स्वप्निल सैतवाल,डॉ.प्रशांत पाटील यांनी परिश्रम घेतले.
