साईमत भुसावळ प्रतिनिधी
अधिक मासानिमित्त श्री जय गणेश ज्येष्ठ नागरिक संघ सुरभी नगर भुसावळची एक दिवसीय तीर्थक्षेत्र भेट सहल दिनांक 9 रोजी उत्साहात पार पडली.
तीर्थक्षेत्र भेटीत वरणगाव ऑर्डनन्स फॅक्टरी जवळील श्री साईमंदिर, मेहुण व कोथळी येथील श्री संत आदिशक्ती मुक्ताबाई, नवीन मुक्ताबाई मंदिर, महान तपस्वी चांगदेव महाराज मंदिर , हरताळे येथील श्रावणबाळ समाधी मंदिर, शिरसाळे येथील श्री हनुमान मंदिर,वरणगाव जवळील श्री नागेश्वर मंदिर, आदिशक्ती साडेतीन पीठ मंदिर व वेल्हाळे येथील पुरातन श्री महादेव मंदिर आदी तीर्थक्षेत्रांना भेटी देण्यात आल्या.
तीर्थक्षेत्र भेटीत विजय चौधरी, अशोक ढाके, जयश्री इंगळे, सरोज सपकाळे, मनिषा टोपरे या सभासदांनी सुंदर भक्ती गीते सादर केलीत. प्रवासात सभासदांनी विविध भक्ती गीते, श्री विष्णुसहस्रनाम पठाण ,श्री हनुमान चालीसा पठाण आदी सादरीकरण करून मनमुराद आनंद लुटला. शिरसाळे येथे सहभोजनानंतर मनोरंजनाचा कार्यक्रम घेण्यात आला.
संघाध्यक्ष आर. आर. बावस्कर यांचे मार्गदर्शना नुसार सहल समितीतील दिनकर जावळे, प्रकाश विसपुतेसर, डी. एम़. तिडके, शांताराम बोबडे, भानुदास बऱ्हाटे, सुरेश पाचपांडे , ललित भोळे यांनी यशस्वीतेसाठी विशेष परिश्रम घेतले. सहलीत समाविष्ट सभासदांनी सुध्दा अनमोल सहकार्य केले.
