साईमत भुसावळ प्रतिनिधी
शहरातील संतोष माता हॉल जवळील शिवमुद्रा प्रतिष्ठान गणेश मंडळाचे भूमी पूजन उत्साहात संतांच्या हस्ते झाले. यावेळी शिवमुद्रा ढोलपथक व जय मातृभूमी क्रीडा मंडळ च्या स्मारकाचे पूजन मान्यवरांच्या हस्ते करण्यात आले.
यावेळी मंचावर प. पू. शास्त्री श्रीधर्मस्वरूपदासजी, महामंडलेशवर जनार्धन महाराज, शास्त्री भक्तीकिशोरदास, हभप धनराज महाराज , हभप दुर्गादास महाराज , महंत पवन कुमार दास , महंत भक्तीप्रकाश शास्त्री आदी उपस्थित होते.
यावेळी महामंडलेशवर जनार्धन स्वामी यांनी आपल्या मार्गदर्शनात सांगितले की, आजच्या वातावरण मध्ये संतांचे चरणस्पर्श करणं चांगले लक्षण आहे. या देशाचा स्वाभिमान ,आत्मा असलेल्या प्रभू श्रीराम च्या मंदिराची प्रतिकृती तयार करणे ,स्वतः च ढोलपथक तयार करणं यावरून ही तरुण पिढी भरकटत लेली नाही .तुमची जबाबदारी वाढली संत आशीर्वाद सोबत जबाबदारी देतात. 15 ते 25 जानेवारी दरम्यान अयोध्या येथे राममंदिर प्रतिष्ठा होईल.या मंडळाच्या माध्यमातून परिसरातील नागरिकांना त्या मंदिराची प्रचिती येणार आहे.
प्रास्ताविक दिनकर जावळे यांनी केले. यशस्वीतेसाठी शिवमुद्रा प्रतिष्ठाण व शिवमुद्रा ढोलपथक च्या कार्यकर्त्यांनी परिश्रम घेतले. आभार डॉ. तेजल सावळे यांनी मानले.
