प्रतिनिधी । धरणगाव वाहन घेण्यासाठी माहेरून दोन लाख रुपये आणावे, या मागणीसाठी विवाहितेचा शारीरिक आणि मानसिक छळ केल्याप्रकरणी पती, सासू-सासरे, जेठ आणि दीर अशा पाच जणांविरुद्ध धरणगाव पोलिसात गुन्हा दाखल करण्यात आला आहे. सपना अनिल मोहिते (रा. माणिक नगर मारोती मंदिराजवळ सिल्लोड, जि. औरंगाबाद, ह.मु. बोरगाव खु. ता. धरणगाव) यांनी फिर्याद दिली आहे. त्यानुसार दि. २० ऑगस्ट २०२१ ते दि. २१ मार्च २०२२ रोजी दरम्यान विवाहितेने वडिलांकडून गाडी घेण्यासाठी दोन लाख रुपये आणावे, यासाठी संशयित पती- अनिल मनोहर मोहिते, सासरे- मनोहर आसाराम मोहिते, सासू-मिराबाई मनोहर मोहिते, जेठाणी-अरुणा अशोक मोहिते, जेठ-अशोक मनोहर मोहिते, दिर-सुनिल मनोहर मोहिते यांनी छळ केला. विवाहितेस तू घरातील कामे करीत नाही. तसेच पती अनिल मोहिते याने विवाहितेच्या चारित्र्यावर संशय घेवून दारु पिऊन मारहाण शिवीगाळ करुन शारिरिक व मानसिक छळ केला. याप्रकरणी पाचही संशयितांविरुद्ध गुन्हा दाखल झाल्याने खळबळ उडाली आहे.
