मुंबई : प्रतिनिधी
राष्ट्रीय महिला आयोगाच्या अध्यक्षा रेखा शर्मा यांनी आज महाराष्ट्र राज्य महिला आयोगाच्या कार्यालयास सदिच्छा भेट दिली.यावेळी राज्य महिला आयोगाच्या अध्यक्षा रुपाली चाकणकर यांनी त्यांचे स्वागत केले.
यावेळी रेखा शर्मा यांना आयोगाच्या वतीने करण्यात येणाऱ्या उपक्रमांची वेगवेगळ्या कार्यक्रमाची माहिती देण्यात आली. श्रीमती शर्मा यांनी महिलांच्या तक्रार निवारणासाठी कार्यरत असलेला महाराष्ट्र राज्य महिला आयोगाच्या 155209 या टोल फ्री क्रमांकावर फोन करून माहिती घेतली तसेच आयोगाच्या सादर करण्यात आलेल्या कार्यअहवालावर त्यांनी समाधान व्यक्त केले.
यावेळी राष्ट्रीय महिला आयोग आणि राज्य महिला आयोग यांनी एकत्रितपणे काम करावं अशी इच्छा त्यांनी व्यक्त केली तसेच राष्ट्रीय महिला आयोगाचे कामकाज कशा पद्धतीने चालते याची देखील त्यांनी थोडक्यात माहिती दिली. तसेच राष्ट्रीय महिला आयोग कार्यालय दिल्ली येथे सदिच्छा भेटीचे निमंत्रण देखील त्यांनी रुपाली चाकणकर यांना दिले.
