जळगाव ः प्रतिनिधी
रेडक्रॉस रक्तकेंद्रात जागतिक रक्तदाता दिनानिमित्त रक्तदानाचा कार्यक्रम झाला. यात 18 रक्तदात्यांनी स्वयंस्फूर्तीने रक्तदान केले. यावेळी रक्तदानाचे महत्त्व पटवून देण्यात आले.
कार्यक्रमात एक लहान मुलाची आई असलेल्या दीपाली शांताराम बारी यांनीही पहिल्यांदा रक्तदान करून आनंद व्यक्त केला. तर रेडक्रॉसचे कर्मचारी मंगेश ओतारी यांनी 23 वे रक्तदान केले. त्यांचे रेडक्रॉस चेअरमन विनोद बियाणी यांनी कौतुक केले. रेडक्रॉसचे सह कोषाध्यक्ष सुभाष सांखला यांचा ए.बी. निगेटिव्ह जे स्वत: दुर्मीळ रक्तगट असून त्यांनी आजपर्यंत 66 वेळा रक्तदान केलेले आहे असे रक्तकेंद्र चेअरमन डॉ. प्रसन्नकुमार रेदासनी यांनी सांगितले.
एका व्यक्तीच्या रक्तदानाने तीन जणांचे प्राण वाचवण्यास मदत होते तसेच रक्तदानाने आत्मिक समाधान मिळते असे उपाध्यक्ष गनी मेमन यांनी सांगितले. यावेळी डॉ. रितेश पाटील, डॉ. नारायण सूर्यवंशी, रेडक्रॉसचे डॉ. अनिल चौधरी, प्रशासकीय अधिकारी लक्ष्मण तिवारी, रोहिणी काळे, तिलोत्तम जोशी, राजेंद्र कोळी, सुनीता वाघ, अनुश्री लुंड उपस्थित होते. सुभाष सांखला यांनी आभार मानले.
शिबिरात यांनी केले रक्तदान
दीपाली बारी, रविकुमार मौर्य, अजय यादव, मंगेश ओतारी, भूषण रडे, निखिल सोनवणे, डॉ. अनंत अट्रावलकर, मोहसीन शेख, योगेश पाटील, अतुल पाटील, धर्मेंद्र पाटील, नितीन महाले, गणेश महाले, गिरीश पाटील, अविनाश पाटील, अमित तडवी, सुजित माळी, योगेशचंद्र यादव यांचा रक्तदात्यांमध्ये समावेश आहे.
