प्रतिनिधी । धरणगाव
बेलदार मोहल्ला भागात किरकोळ वादातून एकाला मारहाण केल्याप्रकरणी चौघांविरुद्ध गुन्हा दाखल करण्यात आला आहे. आवेश खान नासिर खान (वय २० रा. बेलदार मोहल्ला, धरणगाव) यांनी फिर्याद दिली अाहे. ४ जून रोजी ३.३० वाजता शकील खान जमाल खान यांच्या घराजवळ त्याचे घराचे अतिक्रमण काढणे चालू होते. त्याठिकाणी यातील आवेश खान उभे असल्याचा शकील खान जमाल खान, रहेमखान जमाल खान, अकीलाबी आसिफ खान, जाफर खान जमाल खान या संशयितांना राग आला. त्यांनी आवेश खान व त्यांचे आई- वडील यांना शिवीगाळ करुन लाथाबुक्यांनी व लाठ्या काठ्यांनी मारहाण केली.
