यवतमाळ :प्रतिनिधी
यवतमाळ शहर पोलीस स्टेशन अंतर्गत येणाऱ्या पांढरकवडा रोड वरील वाकी फाट्याजवळ ट्रक ने चार चाकी वाहनाला जोरदार धडक दिल्याने दोन चिमुकल्यासह वडिलांचा जागीच मृत्यू झाल्याची घटना दुर्दैवी घटना घडली आहे.
हार्दिक सुनिल धुर्वे वय वर्ष 8, सुमेध सुनिल धुर्वे वय वर्ष 5 आणि सुनिल कर्णुजी धुर्वे वय वर्ष 38 असं या घटनेत मृत्यू झालेल्यांची नावे आहेत. यवतमाळ वरून पाटणबोरी कडे जात असताना वाकी फाट्याजवळ समोरून येणाऱ्या ट्रकने कारला जोरदार धडक दिली त्यात दोन चिमुकल्यासह वडिलांचा जागीच मृत्यू झाला तर चिमुकल्यांची आई नर्मता सुनिल धुर्वे ही गंभीर जखमी असून तिच्या वर वसंतराव नाईक शासकीय वैद्यकीय महाविद्यालयात उपचार सुरू आहे.
