जळगाव ः प्रतिनिधी
शहर आम आदमी पार्टीतर्फे पार्टीचे संयोजक तथा दिल्लीचे मुख्यमंत्री अरविंद केजरीवाल यांच्या शासकीय निवासस्थानावर भाजपा कार्यकर्त्यांनी केलेल्या भ्याड हल्ल्याचा निषेध जळगावात करण्यात आला.
यावेळी शहरातील रेल्वे स्थानकाजवळील डॉ.बाबासाहेब आंबेडकर पुतळ्याजवळ कुठलीही घोषणा बाजी न करता मुक निषेध आंदोलन करण्यात आले त्यानंतर जिल्हाधिकारी अभिजीत राऊत यांना निवेदन देवून या घटनेचा तीव्र निषेध व्यक्त करण्यात आला. याप्रसंगी आंदोलनाचे नेतृत्व महानगर कार्याध्यक्ष योगेश हिवरकर यांनी केले. तर जळगाव शहर महानगर सहसहयोजक अनिल वाघ, शहर महानगर सचिव चंदन पाटील, महानगर मीडिया प्रमुख योगेश भोई, जिल्हा सचिव रईस खान,जालना संघटक लक्ष्मण कोल्हे, सिद्धार्थ सोनावणे, हेमंत सोनावणे यांच्यासह पदाधिकारी व कार्यकर्ते उपस्थित होते.
