अमळनेर ः प्रतिनिधी
राजवड (ता.पारोळा) येथील जिल्हा परिषद प्राथमिक शाळेतील मुख्याध्यापिका, समाजसेविका, शिक्षक नेत्या डॉ. पाकिजा उस्मान पटेल यांना वल्लरी फाऊंडेशन तेलंगणाकडून ‘स्वामी विवेकानंद इंटरनॅशनल बेस्ट सोशल वर्कर अवॉर्ड २०२१’ ने सन्मानित करण्यात आले.
डॉ.पाकिजा पटेल यांनी केलेल्या शैक्षणिक सामाजिक पर्यावरण विषयक कामाने समितीने पटेल यांच्या नावावर शिक्कामोर्तब केले. गेल्या २० वर्षापासून सतत सर्वोत्कृष्ट कार्य सुरू असून नवनवीन माहिती व तंत्रज्ञानाचा वापर करून नवीन पिढी घडावी व आंतरराष्ट्रीय पातळीवर विद्यार्थी पोहोचावा हा दृष्टीकोन डोळ्यासमोर ठेवून अध्यापनाचे कार्य निरंतर सुरू आहे. याची दखल घेऊन उंच भरारी डॉ.पटेल यांनी घेतली आहे.
विद्यार्थी हा सुजान संस्कारशील घडावा यासाठी नेहमी प्रयत्न सुरू असतात. या आंतरराष्ट्रीय पुरस्काराने पुन्हा नवीन प्रेरणा मिळाली आहे. या यशाबद्दल डॉ.पटेल यांचे गाव जिल्हा राज्य देशपातळीवर अभिनंदनाचा वर्षाव होत आहे.
