जळगाव ः प्रतिनिधी
राज्य शासनाचा क्रीडा व युवक संचालनालय, पुणे अंतर्गत जळगाव जिल्हा क्रीडा अधिकारी कार्यालयतर्फे मौलाना आझाद अल्पसंख्याक फाउंडेशनला सामाजिक क्षेत्रातील उत्कृष्ट कार्य केल्याबद्दल जिल्हास्तरीय जिल्हा युवा पुरस्कार देण्यात आला. पोलिस अधीक्षक डॉ. प्रवीण मुंढे यांचा हस्ते संस्थेला सन्मानित करण्यात आले.
मौलाना आझाद अल्पसंख्याक फाउंडेशनचे संस्थापक अध्यक्ष फिरोज शेख, रोशनी शेख, मोनाली कुमावत, सुवर्णलता अडकमोल, सपना श्रीवास्तव, निवेदिता ताठे, मोहसीन काझी आदींना पुरस्कार देऊन गौरविण्यात आले. तसेच पोलिस कवायत मैदानावर विविध क्षेत्रातील उल्लेखनीय कार्य करणाऱ्या मान्यवरांचा पालकमंत्री गुलाबराव पाटील यांचाहस्ते गौरव करण्यात आला.
