मुंबई :- अभिनेत्री आलिया भट्ट आणि रणबीर कपूर यांनी सोशल मीडियावर त्यांच्या चाहत्यांना गुड न्यूज दिली आहे. आलिया भट्टने तिच्या इंस्टाग्रामवरून एक फोटो शेअर केला आहे आणि कॅप्शन मध्ये लिहिले की, ‘आमचं बाळ…लवकरचं येत आहे’, यासोबतच तिने तिच्या सोनोग्राफीचा फोटोही शेअर केला आहे. या पोस्टवरून रणबीर-आलीय लवकरच आई -बाबा होणार असल्याची माहिती समोर आली आहे.
आलियाने पोस्ट केलेल्या फोटोमध्ये तिच्यासोबत रणबीर देखील दिसत आहे. फोटोमध्ये आलिया खूप आनंदी दिसत आहे. सध्या हा फोटो सोशल मीडियावर चांगलाच व्हायरल होत आहे. चाहत्यांनी आलिया आणि रणबीर यांच्यावर शुभेच्छाचा वर्षाव केला आहे. त्याचबरोबर सेलिब्रेटी सुद्धा कमेंट करत दोघानांही शुभेच्छा दिल्या.
रणबीर कपूरची बहीण रिधिमा कपूर , आलियाची आई त्याचबरोबर अभिनेत्री परिणीती चोप्रा, प्रियांका चोप्रा, करण जोहर, टायगर श्रॉफ, वाणी कपूर, रकुल प्रीत सिंग, मौनी रॉय या सर्व कलाकारांनी आलिया आणि रणबीरवर शुभेच्छांचा वर्षाव केला आहे.
दरम्यान रणबीर कपूर आणि आलिया भट्टने 14 एप्रिल रोजी लग्नबंधनात अडकले होते. रणबीर याच्या मुंबईतल्या ‘वास्तू’ बंगल्यावर अगदी मोजक्या पाहुण्यांमध्ये दोघांनी लग्नगाठ बांधली.
