विजय चौधरी-सोयगाव प्रतिनिधी
आईच्या निधनाच्या वर्षपूर्ती निमित्ताने गावाला शीतशव पेटी जरंडी गावाला दिल्याचा कौतुकास्पद उपक्रम राबविण्यात आला ऐन उन्हाळ्यात जरंडीच्या पाटील कुटुंबीयांनी स्व.आशाबाई रामदास पाटील यांच्या वर्ष श्राद्ध निमित्ताने हा उपक्रम राबवून शीत शव पेटी भाजपा जिल्ह्याध्यक्ष विजय औताडे,उपाध्यक्ष अशोक गरुड यांच्या हस्ते लोकार्पण करण्यात आले.
जरंडी ता.सोयगाव येथील सरपंचा वंदनाबाई पाटील यांच्या सासू स्व.आशाबाई रामदास पाटील यांच्या स्मृती प्रीत्यर्थ सरपंच वंदनाबाई पाटील यांनी गावासाठी शीत शव पेटी स्वखर्चातून उपलब्ध करून दिली आहे पाटील कुटुंबाचा हा उपक्रम तालुकाभर चर्चेचा विषय ठरला आहे.राजेंद्र रामदास पाटील,कृषी भूषण रवींद्र पाटील,प्रतिष्ठित शेतकरी गोपाल पाटील यांच्या कल्पनेतून गावाला शीत शवपेटी सुपूर्द करण्यात आली.यावेळी विजय वानखेडे,ईश्वर कुंटे,वसंत बनकर,बद्री राठोड,सरपंच वंदनाबाई पाटील,उपसरपंच संजय पाटील,विशाल गिरी,प्रांजळ पाटील,संजीवन सोनवणे,भिवा राठोड आदींसह ग्रामस्थांची उपस्थिती होती.
