मुंबई :- अभिनेत्री आलीय भट्टचा ‘गंगूबाई काठियावाडी’ (Gangubai Kathiawadi) या चित्रपटाने बॉक्स ऑफिसवर धुमाकूळ घातला आहे. सगळे रेकॉर्ड मोडत हा चित्रपट १०० कोटींच्या क्लबमध्ये शामील होत आहे.
चित्रपट रिलीज झाल्यानंतर नवव्या दिवशी म्हणजेच शनिवारपर्यंत ७.५० कोटी रुपयांची कमाई केली होती. बॉक्स ऑफिसवर या सिनेमाने आतापर्यंत ७८.५० कोटी रुपयांची कमाई केली आहे. अशामध्ये बॉक्स ऑफिस इंडिया डॉट कॉमच्या रिपोर्टनुसार १० व्या दिवशी म्हणजेच रविवारीदेखील या सिनेमाने बॉक्स ऑफिसवर चांगली कमाई केली आहे.
या चित्रपटात आलियाने केलेल्या अभिनयाचे सर्व स्तरावरून कौतुक करण्यात येत असून तिचा बॉयफ्रेंड रणबीरलाही तिचा हेवा वाटत आहे.
दहाव्या दिवशी ८ ते ९ कोटींचा व्यवसाय केल्यानंतर हा चित्रपट लवकरच १०० कोटी क्लबमध्ये सामील होऊ शकतो. दिग्दर्शक संजय लीला भन्साळीने दिलेल्या माहितीनुसार, वर्ल्डवाईड या चित्रपटाने १०० कोटींचा टप्पा पार केला आहे. या चित्रपटात आलिया भट्टशिवाय अजय देवगण, पार्थ समथान, शंतनू माहेश्वरी आणि सीमा पाहवा यांच्या मुख्य भूमिका आहेत.
