जळगाव : प्रतिनिधी
1 मे महाराष्ट्र दिन तसेच कामगार दिनानिमित्त नारीशक्ती बहुद्देशीय संस्था व जायंटस गृप ऑफ तेजस्विनी जळगाव यांच्या संयुक्त विद्यमाने जळगाव पीपल्स बँक दाणा बाजार येथे दिवसभर उन्हातान्हात कष्ट करणाऱ्या कामगारांना, वाढते तापमान त्यातच पोटापाण्यासाठी अहोरात्र कष्ट करणारे हमाल कामगार कसलीच पर्वा न करता श्रमदेवतेची उपासना करतात. अशा वेळीं भर उन्हात तहान भागवण्यासाठी त्यांना मिल्टान थंड पाण्याची बाटली व रुमाल वाटप महापौर जयश्रीताई महाजन व अध्यक्षा मनिषा पाटील यांच्या हस्ते करण्यात आले.
यावेळी महापौर जयश्रीताई महाजन यांनी याप्रसंगी हमाल तसेच कामगाराबद्दल अभिमान व्यक्त केला. नारीशक्ती बहुद्देशीय संस्था सदस्य व जायंट्स ग्रूप ऑफ तेजस्विनी जळगाव सदस्या भाग्यश्री महाजन, रेणुका हिंगु, योगिता बाविस्कर, शशी शर्मा, नूतन तासखेडकर, आशा मौर्या, वैशाली शिरुडे, उल्का पाटे, निशा चौधरी आदी उपस्थित होते.
