जळगाव : प्रतिनिधी
पहिलीत शिकणारा सात वर्षाचा चिमुरडा असलेला जळगावचा अनय डोहोळे याने भारतरत्न, भारतीय क्रिकेट संघाचे माजी कर्णधार सचिन तेंडुलकर यांना स्व-हस्ताक्षरात पत्र लिहून त्यांचे छायाचित्र व स्वाक्षरी पाठवावी अशी इच्छा व्यक्त केली होती आणि खरंच अनयच्या या बालहट्टाला प्रतिसाद देत सचिन तेंडुलकर यांनी स्वतःची स्वाक्षरी असलेले विश्वचषक हातात घेतलेले व शतक झळकविलेल्या नंतर अभिवादन करतांनाचे छायाचित्र पाठविले.
सोबत स्वतःच्या लेटर पॅडवर अनुभव शेअर करीत मोठे स्वप्न पहा त्यासाठी कठोर परिश्रम करा, यश हमखास मिळेल असा संदेशही दिला आहे.अनय हा सौ.अनघा व अजय डोहोळे यांचा मुलगा असून वाघनगर येथील विवेकानंद प्रतिष्ठान इंग्लिश मिडियम शाळेचा विद्यार्थी आहे.
