यूएफओवर(UFO) चित्रपट बनवणाऱ्या एका चित्रपट निर्मात्याने रडार फुटेज दाखविणारी एक व्हिडिओ क्लिप(Video clip) सामायिक केली असून दावा केला की सुमारे दोन वर्षांपूर्वी सॅन डिएगोच्या (San Diego) किनाऱ्यावरील अमेरिकेच्या नौदलाच्या (US Navy) जहाजावर कमीतकमी १४ यूएफओ दाखविण्यात आल्या आहेत. २०१९ मध्ये यूएसएस रसेलवर फिरत असलेल्या तीन यूएफओ दर्शविणार्‍या एका व्हिडिओची या वर्षाच्या सुरुवातीस नौदलाने पुष्टी केली आहे, हे उल्लेखनीय.
अमेरिकेचे माजी नेव्ही लेफ्टनंट रायन ग्रेव्ह्स यांनी हा यूएफओना एक अज्ञात मिशनचा भाग असल्याचे म्हटले आहे. हा राष्ट्रीय सुरक्षेसाठी धोका असल्याचेही ते म्हणालेत. एका मुलाखतीत ते म्हणाले की, त्यांनी २०१५ ते २०१७ दरम्यान अनेकवेळा यूएफओसारख्या वस्तू आकाशात उडताना बघितल्या आहेत. यूएफओचे अनेक व्हिडिओ समोर आल्यानंतर आता त्याची चौकशी करण्याची मागणी होत आहे.
