प्रेमभंगानंतर नैराश्यातून तरूणाची आत्महत्या
जळगाव (प्रतिनिधी )-
शहरातील नूतन मराठा महाविद्यालयाच्या आवारात प्रेमभंगानंतर नैराश्यातून महाविद्यालयीन विद्यार्थ्याने गळफास घेऊन आत्महत्या केल्याची धक्कादायक घटना रविवारी सकाळी उघडकीस आली. मृत विद्यार्थ्याचे नाव सत्तू कोळी असून, पूर्ण नाव अद्याप समोर आलेले नाही.
आत्महत्या करण्यापूर्वी सत्तूने आपल्या इंस्टाग्राम अकाउंटवर स्टेटस ठेवत भावना व्यक्त केल्या होत्या. सकाळी काही विद्यार्थ्यांच्या लक्षात ही घटना येताच महाविद्यालय प्रशासन व पोलिसांना माहिती देण्यात आली.
घटनेची माहिती मिळताच जिल्हा पेठ पोलिसांनी घटनास्थळी धाव घेतली. घटनास्थळी पंचनामा करून मृतदेह जिल्हा शासकीय वैद्यकीय महाविद्यालय रुग्णालयात पाठविण्यात आला आहे.
जिल्हा पेठ पोलीस ठाण्यात अकस्मात मृत्यूची नोंद करण्याचे काम सुरू होते. मयताची ओळख पटविण्यासाठी नागरिकांनी जिल्हा पेठ पोलिसांची संपर्क साधावा असे आवाहन पोलिसांनी केले आहे.
