तरुणाची नैराश्यातून विष घेऊन आत्महत्या
जळगाव (प्रतिनिधी) –
जामनेर तालुक्यातील एकुलती येथे एका तरुण शेतकऱ्याने विषारी औषध घेऊन आत्महत्येचा प्रयत्न केला त्याचा उपचारादरम्यान मृत्यू झाल्याची घटना.२ मेरोजी रात्री घडली. पहूर पोलीस स्टेशनला अकस्मात मृत्यूची नोंद करण्यात आली.
शुभम गणेश शेवाळे (वय १९, रा.एकुलती ता. जामनेर) असे मयत तरुणाचे नाव आहे. तो आई-वडील भावासह गावात राहत होता. शुभम आणि त्याचे वडील गणेश शेवाळे शेती करून उदरनिर्वाह करीत होते. ३० एप्रिलरोजी रात्री नैराश्यातून शुभम याने विषारी औषध घेऊन आत्महत्येचा प्रयत्न केला होता. त्याला जळगाव येथील शासकीय वैद्यकीय महाविद्यालय व रुग्णालयात दाखल करण्यात आले होते. उपचार सुरू असताना २ मे रोजी रात्री त्याची प्राणज्योत मालवली. यावेळी कुटुंबीयांनी आक्रोश केला. एकुलती गावात शोककळा पसरली आहे.
