ॲसीड टाकून ठार मारण्याची धमकी देत विनयभंग
भुसावळ -प्रतिनिधी
शहरातील ३५ वर्षीय महिलेला अंगावर ॲसीड फेकण्याची आणि पतीसह मुलाला ठार मारण्याची धमकी देत व पैशांची मागणी करत विनयभंग केल्याचा प्रकार समोर आला आहे.
२२ मार्चरोजी सायंकाळी भुसावळ शहर पोलीस ठाण्यात गुन्हा दाखल करण्यात आला असून संशयिताला अटक करण्यात आली आहे.
भुसावळ शहरात ३५ वर्षीय महिला पती आणि मुलांसह वास्तव्याला आहे. त्या सरकारी नोकरी करतात. १ ते १५ मार्च या कालावधीत संशयित आरोपी अब्दुल रहीम शेख (वय २७ रा. स्टेट कॉलनी) याने महिलेला संबंध ठेवण्याची मागणी केली. अश्लिल चाळे करत विनयभंग केला, पैशांची मागणी करत फोटो सोशल मीडियावर व्हायरल करण्याची आणि पतीसह मुलाला ठार मारण्याची धमकी दिली. हा त्रास असह्य झाल्याने महिलेने भुसावळ शहर पोलीस ठाण्यात फिर्याद दिली. त्यानुसार संशयित आरोपी अब्दुल रहीम शेख याच्यावर गुन्हा दाखल करण्यात आला त्याला अटक करण्यात आली आहे. तपास पोहेकॉ सुपडा पाटील करीत आहे.
