भारताने चीन-पाक सीमेवर केले इस्रायली ड्रोन तैनात

नवी दिल्ली : वृत्तसंस्था
भारताने उत्तरेकडील क्षेत्रातील फॉरवर्ड एअरबेसवर प्रगत हेरॉन मार्क- ड्रोन तैनात केले आहेत. हे ड्रोन लांब पल्ल्याच्या क्षेपणास्त्रांसह शत्रूवर हल्ला करण्यास सक्षम आहेत.याशिवाय एकाच फ्लाइटमध्ये चीन-पाकिस्तान या दोन्ही सीमांवरही नजर ठेवली जाऊ शकते.
हेरॉन मार्कड्रोन इस्त्रायल एरोस्पेस इंडस्ट्रीजने बनवले आहेत. हे ड्रोन ३५ हजार फूट उंचीपर्यंत १५० नॉट्सच्या वेगाने उडू शकतात. याशिवाय ते एकावेळी ३६ तास उड्डाण करण्यास सक्षम आहेत.
एक दिवस आधी, भारतीय वायुसेनेने श्रीनगर एअरबेसवर प्रगत मिग-२९ लढाऊ विमानांचा एक स्क्वॉड्रन तैनात केला आहे.उत्तर सेक्टरमध्ये मिग-२९ आणि हेरॉन मार्क-२ ड्रोन तैनात केल्यामुळे लष्कराची ताकद वाढणार आहे.
या ड्रोनमध्ये हवेतून जमिनीवर मारा करणारी क्षेपणास्त्रे, हवेतून जमिनीवर मारा करणारी रणगाडाविरोधी शस्त्रे आणि बॉम्ब बसवले जाऊ शकतात, असे लष्कराच्या अधिकाऱ्यांनी सांगितले.ड्रोन स्क्वाड्रनचे कमांडिंग ऑफिसर विंग कमांडर पंकज राणा म्हणाले की, हेरॉन मार्क-२ हे अतिशय सक्षम ड्रोन आहे. हे बराच काळ टिकण्यास सक्षम आहे आणि मोठ्या क्षेत्राचे निरीक्षण करू शकते.आधुनिक एव्हीओनिक्स आणि इंजिनमुळे ड्रोनचा कार्यकाळ वाढला आहे. ते सॅटेलाइट कम्युनिकेशननेही सुसज्ज आहेत. याच्या मदतीने एकाच फ्लाइटमध्ये अनेक मोहिमा राबवल्या जाऊ शकतात आणि एकाच वेळी अनेक क्षेत्रांवर लक्ष ठेवता येते.
ड्रोन २४ तास लक्ष्यावर नजर ठेवू शकतो
हे ड्रोन २४ तास लक्ष्यावर लक्ष ठेवण्यास सक्षम आहेत. ते कोणत्याही हवामानात आणि कोणत्याही भूभागात त्यांचे लक्ष्य नष्ट करून मिशन पूर्ण करू शकतात. हे ड्रोन लढाऊ विमानांनाही मदत करतात. ते त्यांच्या लक्ष्यावर लेझर प्रकाश टाकतात, ज्यामुळे लढाऊ विमाने लक्ष्य ओळखू शकतात आणि अचूकपणे लक्ष्य करू शकतात.