मुंबई ः प्रतिनिधी
सनी देओल आणि अमिषा पटेलचा बहुचर्चित चित्रपट गदर-२ शुक्रवारी प्रदर्शित झाला. प्रदर्शनाच्या पहिल्याच दिवशी चित्रपटाने बॉक्स ऑफिसवर दमदार कमाई केली आहे. चित्रपटाला प्रेक्षकांचा मिश्र प्रतिसाद मिळाला आहे. २००१ मध्ये आलेल्या ‘गदर : एक प्रेम कथा’ चित्रपटाचा हा सिक्वेल आहे.
प्राप्त माहितीनुसार गदर २ ने प्रदर्शनाच्या पहिल्यात दिवशी ४० ते ४५ करोड रुपयांची कमाई केली आहे.या चित्रपटाच्या ॲडव्हान्स बुकिंगला प्रेक्षकांकडून जोरदार प्रतिसाद मिळाला होता. तब्बल २० लाख तिकिट ॲडव्हान्स बुकिंगमध्ये विकली गेली होती.पठाणनंतर हा वर्षातील सर्वात मोठा ब्लॉकबस्टर ठरेल अशी शक्यता व्यक्त करण्यात येत
आहे.
दरम्यान बॉलीवूड अभिनेता अक्षय कुमारचा ‘ओह माय गॉड’ चित्रपट चांगलाच गाजला होता. शुक्रवारी या चित्रपटाचा सोिल ‘ओह माय गॉड २’ प्रदर्शित झाला आहे.अक्षय कुमारच्या या चित्रपटाने प्रेक्षकांंची निराशा केल्याचे पहायला मिळत आहे. प्रदर्शनाच्या पहिल्या दिवशी बॉक्स ऑफिसवर या चित्रपटाची जादू फिकी पडलेली दिसून आली आहे.प्राप्त माहितीनुसार ‘ओह माय गॉड २’ पहिल्याच दिवशी बॉक्स ऑफिसवर केवळ १० कोटी रुपयांची कमाई केली आहे. ‘ओह माय गॉड २’ बरोबर सनी देओलचा ‘गदर २’ चित्रपटही प्रदर्शित झाला होता. ‘गदर २’ ने पहिल्याच दिवशी बॉक्स ऑफिसवर ४० ते ४५ कोटी रुपयांची कमाई केली आहे. त्या तुलनेत अक्षय कुमारच्या ‘ओह माय गॉड २’ ने खूपच कमी केल्याचे दिसून
येत आहे.
