आकाश भावसार हत्याकांडातील चौघांना अटक
जळगाव (प्रतिनिधी) –
येथील अशोकनगर भागातील रहिवासी तरुणाचा राष्ट्रीय महामार्गावर ए वन भरीत सेंटरजवळ धारदार शस्त्रांनी वार करून शनिवारी रात्री निर्घृण खून करण्यात आला होता. जळगाव स्थानिक गुन्हे अन्वेषण शाखेच्या पथकाने चार संशयित आरोपींना अटक केली आहे.
आकाश भावसार (वय २७) या तरुणाच्या खूनाचा शनिपेठ पोलीस स्टेशनला गुन्हा दाखल करण्यात आला आहे. आकाशची आई कोकिळाबाई भावसार यांच्या फिर्यादीवरून संशयित आरोपी अजय मोरे यांच्यासह ४ अनोळखी इसमांवर गुन्हा दाखल करण्यात आला होता.शनिपेठ पोलीस स्टेशनसह जळगाव एलसीबीची टीम आरोपींच्या मागावर होती. २४ तासांत एलसीबीने तपास करून ४ जणांना अटक केली हे काही जण मित्रांकडे तर काहीजण नातेवाईकांकडे लपून बसल्याचे एलसीबीला तांत्रिक विश्लेषण आणि गोपनीय माहितीवरून कळाले होते.
अजय मोरे (वय २८, कासमवाडी) याचेसह ३ अल्पवयीनांना अटक करण्यात आली आहे. आरोपी कुणाल चौधरी फरार आहे. जिल्हाभरात खुनाच्या घटना सातत्याने घडत असल्यामुळे गुन्हेगारीवर अंकुश राहिला पाहिजे, अशी अपेक्षा व्यक्त होत आहे.
