नवी दिल्ली – भारतात नुकतीच जर्मन कार कंपनी बीएमडब्ल्यूने लक्झरी कारच्या X3 नवीन व्हर्जनला एका नव्या रूपात लॉन्च केले आहे. तसेच लवकरच ‘X3 चा डिझेल व्हेरिएंट लॉन्च करण्यात येणार असल्याचेही कंपनीने एका शोमध्ये सांगितले आहे. याबाबत माहिती देताना बीएमडब्ल्यू ग्रुप इंडियाचे अध्यक्ष विक्रम पावह म्हणाले, की प्रिमियम एसयुव्ही सेगमेंटमधील मॉडेलच्या अद्भूत यशाला कायम ठेवण्यासाठी बीएमडब्ल्यू X3 ची तिसरी जनरेशन आणण्यात आली आहे.
59.90 लाखांपासून X3 xDrive30i SportX Plus या कारच्या ट्रिमची एक्स-शोरूम किंमत सुरू होते. तर, 65.90 लाख रुपये X3 xDrive30i M Sport ची एक्स-शोरूम किंमत आहे. नवीन लूकसोबतच बीएमडब्ल्यू X3 मध्ये अनेक मॉर्डन फीचर्स आणि अपडेटेड इन्फोटेनमेंट सिस्टम देखील देण्यात आले आहेत. सुरक्षेच्या दृष्टीने या कारमध्ये सहा एअरबॅग, डायनॅमिक स्टॅबिलिटी कंट्रोल (DSC) आणि अटेंशन असिस्टन्स आहेत. त्याचबरोबर क्रॅश सेन्सर्स, ISOFIX चाइल्ड सीट माउंटिंग आणि साइड-इम्पॅक्ट प्रोटेक्शनदेखील देण्यात आले आहे.
दोन लिटरप्रमाणे चार सिलेंडरचे पेट्रोल इंजिन X3 xDrive30i कारमध्ये आहे. 235 KMPH एवढा या कारचा वेग आहे. या कारचा स्पीड तर कमाल आहेच. पण, नवीन बीएमडब्ल्यू BMW X3 कार फक्त 6.6 सेकंदात 0 ते 100 कि.मी प्रति तासाचा वेग देण्याची या कारची क्षमता आहे. बीएमडब्ल्यूने कलर बदलणारी कार देखील बनवली आहे. ही इलेक्ट्रिक कारची पहिली झलक नुकतीच कंझ्युमर इलेक्ट्रॉनिक्स शो 2022 मध्ये दाखवण्यात आली होती. बीएमडब्ल्यूने आपल्या सर्व इलेक्ट्रिक कारमध्ये कलर बदलण्यासाठी नाविन्यपूर्ण पेंट स्कीमचा ऑप्शनदेखील दिला आहे. तसेच, एका बटणात तुम्ही कारचा बाहेरील कलर एका झटक्यात बदलू शकता, असेही कंपनीने एका शोमध्ये सांगितले आहे.
