मुंबई : प्रतिनिधी
ज्येष्ठ दिग्दर्शक प्रशांत नील यांचा या वर्षातील सर्वात मोठा चित्रपट ‘सालार पार्ट १ : सीझफायर’ सतत चर्चेत आहे. आज म्हणजेच २२ डिसेंबरला हा चित्रपट चित्रपटगृहांमध्ये प्रदर्शित झाला असून त्यांच्या आवडत्या अभिनेता प्रभासबद्दल चाहत्यांमध्ये एक वेगळीच ऊर्जा आहे. शाहरुख खानचा ‘डंकी’ काल म्हणजेच २१ डिसेंबर रोजी प्रदर्शित झाला आणि या चित्रपटाने पहिल्याच दिवशी भारतीय बॉक्स ऑफिसवर ३० कोटींची कमाई केली. ‘सालार’ आता एका दिवसानंतर प्रदर्शित झाला आहे.ॲडव्हान्स बुकिंगमध्येही त्याने ‘डंकी ‘ला मागे टाकले होते आणि पहिल्या दिवसाच्या कलेक्शनमध्येही ‘डंकी’ला मागे टाकण्याच्या मार्गावर आहे.
पृथ्वीराज सुकुमारन आणि श्रुती हासन यांच्यासोबतचा प्रभासचा ‘सालार’ हा चित्रपट प्रदर्शित झाला असून पहिल्याच दिवशी या चित्रपटाची कमाई मोठ्या प्रमाणात होण्याची चिन्हे दिसत आहेत. हा २ तास ५५ मिनिटांचा चित्रपट प्रेक्षकांना त्यांच्या सीटवर खिळवून ठेवू शकतो. ‘सालार’ ६ हजार स्क्रीनवर रिलीज झाला असला तरी डंकीच्या तुलनेत त्याच्या शोची संख्या खूपच कमी आहे. शाहरुख खानचा ‘सालार’ ४ हजार स्क्रीन्सवर रिलीज झाला असून त्याचे १५ हजारांहून अधिक शो आहेत. तर ६ हजार स्क्रीन्स असूनही .‘सालार’च्या शो ची संख्या १२ हजारांपेक्षा कमी आहे मात्र ॲडव्हान्स बुकिंगमध्ये ‘सालार’ने ‘डंकी ‘ला मागे टाकले होते.
‘सालार’ची ॲडव्हान्स बुकिंग ४८.९४ कोटी रुपये झाली असून त्याची २२,३८,३४६ तिकिटे विकली गेली आहेत. प्रभासचा ‘सालार’ शुक्रवारी पहिल्या दिवशी देशभरात ९५-१०० कोटींची कमाई करू शकतो म्हणजेच पहिल्या दिवशी सर्वाधिक कमाईचा विक्रम रचू शकतो. त्या तुलनेत शाहरुखच्या ‘डंकी ‘ने पहिल्याच दिवशी ३० कोटींची कमाई केली आहे, पण साहजिकच ती ‘सालार’पेक्षा खूपच कमी आहे.
स्कॅनलिकच्या अहवालानुसार, ‘सालार’ने गुरुवारी रात्रीपर्यंत सुमारे ११ हजार शोच्या मदतीने ४८.९४ कोटी रुपयांचे कलेक्शन केले आहे. त्या तुलनेत ‘डंकी ‘ने १५ शो असूनही पहिल्या दिवशी केवळ ३० कोटींची कमाई केली. प्रभासच्या याआधी रिलीज झालेल्या ‘आदिपुरुष’ने ॲडव्हान्स बुकिंगमधून २६.३९ कोटी रुपयांची कमाई केली होती. तर पहिल्या दिवशी चित्रपटाने देशात ८६.७५ कोटींची कमाई
केली होती.
