मुंबई : प्रतिनिधी
रणबीर कपूर, रश्मिका मंदाना, बॉबी देओल स्टारर ॲनिमल सिनेमा चित्रपटगृहात तुफान कमाई करत आहे. संदीप रेड्डी वांगा दिग्दर्शित या सिनेमाने बॉलिवूडमध्ये इतिहास रचला आहे. या सिनेमाला सेंसर बोर्डकडून अडल्ट सर्टिफिकेट मिळालं असतानाही भारतासह जगभरात सिनेमा बंपर कमाई करत आहे. सिनेमाने ६३.८ कोटींची ओपनिंग केली. त्यानंतर सिनेमाची कमाई सतत वाढतेच आहे. ॲनिमल सिनेमाने मंगळवारी हैराण करणारी कमाई केली आहे.
मीडिया रिपोर्टनुसार, ॲनिमल आणि जवान सिनेमाची तुलना केल्यास रणबीरचा सिनेमा वरचढ ठरला आहे. ॲनिमल सिनेमाने यावर्षी प्रदर्शित झालेल्या पठाण आणि गदर २ सिनेमाचा रेकॉर्ड मोडला आहे. ॲनिमल सिनेमा शुक्रवारी प्रदर्शित झाला होता, तर जवान सिनेमा गुरुवारी प्रदर्शित झाला होता.
ॲनिमल सिनेमाने मंगळवारी, सिनेमा प्रदर्शित झाल्याच्या पाचव्या दिवशी ३८.२५ कोटी रुपयांची कमाई केली आहे. तर जवान सिनेमाने मंगळवारी, अर्थात सिनेमा प्रदर्शित झाल्याच्या सहाव्या दिवशी २६ कोटींची कमाई केली होती.आता ॲनिमल सिनेमा ३०० कोटींच्या जवळपास पोहोचताना दिसत आहे. या सिनेमाने पाच दिवसांत देशभरात २८३.७४ कोटींची कमाई केली आहे.
ॲनिमल सिनेमा प्रदर्शित झाल्याच्या पाच दिवसांत ५०० कोटींच्या जवळपास पोहोचताना दिसत आहे.या सिनेमाने चार दिवसांत वर्ल्डवाइड ४२५ कोटींचा गल्ला जमवला आहे.जवळपास १०० कोटींच्या बजेटमध्ये तयार झालेला ॲनिमल सिनेमा देशभरात ४ हजार स्क्रिन्सवर प्रदर्शित करण्यात आला आहे.जवान सिनेमाला त्याहून अधिक स्क्रिन्स मिळाल्या होत्या. ॲनिमल सिनेमात रणबीर कपूर, बॉबी देओल, अनिल कपूर, रश्मिका मंदाना, तृप्ती डिमरी प्रमुख भूमिकेत आहे. सिनेमा ३ तास २१ मिनिटांचा आहे.
