जळगाव : प्रतिनिधी
केशवस्मृती प्रतिष्ठानच्या सेवावस्ती विभागाच्या माध्यमातून हरिविठ्ठलनगरात महिला सबलीकरणासाठी विविध उपक्रम राबवले जातात. या उपक्रमांतर्गत शिवणकला प्रशिक्षण केंद्रही चालवण्यात येते. या शिवणकला प्रशिक्षण केंद्राला रोटरी क्लब ऑफ जळगाव सेंट्रलतर्फे ४ शिवण मशीन देण्यात आले.
प्रशिक्षण केंद्रात शिक्षकाची नेमणूक केल्याने व ४ शिलाई मशीन मिळाल्याने या फायदा परिसरातील महिलांना होणार आहे. मशिनचे लोकार्पण करतेवेळी रोटरी क्लब ऑफ जळगाव सेंट्रलच्या अध्यक्षा डॉ. अपर्णा भट, प्रोजेक्ट चेअरमन कमलेश वासवानी, संतोष अग्रवाल, महेंद्र गांधी, राजेश चौधरी, डॉ. विद्या चौधरी, डॉ. प्रिती पाटील, प्राजक्ता वैद्य, केशवस्मृतीच्या संचालिका मनिषा खडके, आरोग्य विभाग समन्वयक भानुदास येवलेकर, जनसंपर्क अधिकारी सागर येवले, सेवावस्ती विभाग व्यवस्थापिका स्नेहा तायडे उपस्थित होते.
