सॅमसंग ते वनप्लस… एकापेक्षा एक भन्नाट फीचर्ससह येणारे हे प्रीमियम समार्टफोन्स एकदा पाहाच

भारतीय बाजारात जगभरातील टेक कंपन्या आपल्या स्मार्टफोन्स सादर करत आहेत. नवनवीन फोन्सला भारतीय ग्राहकांची प्रचंड मागणी पाहायला मिळत आहे. ग्राहकांची मागणी पाहता कंपन्या दरआठवड्याला एंट्री लेव्हल स्मार्टफोनपासून ते फ्लॅगशिप स्मार्टफोन लाँच करत आहेत. तुम्ही देखील नवीन स्मार्टफोन खरेदी करण्याचा विचार करत असाल तर बाजारात एकापेक्षा एक चांगले फोन्स उपलब्ध आहेत. तुमचे बजेट थोडे अधिक असल्यास फ्लॅगशिप स्मार्टफोन्स खरेदी करू शकता. जवळपास ५० हजारांच्या बजेटमध्ये OnePlus 9RT, OnePlus 10 Pro 5G, Realme GT 2, Samsung Galaxy S21 5G आणि Vivo X70 Pro या फोन्सला खरेदी करू शकता. यातील काही फोन्स भारतात काही दिवसांपूर्वीच लाँच झाले आहेत. या फोनमध्ये शानदार डिस्प्ले, पॉवरफुल प्रोसेसर आणि बॅटरीसह अनेक फीचर्स मिळतात. या फोन्सविषयी सविस्तर जाणून घेऊया.

OnePlus 9RT

OnePlus 9RT स्मार्टफोनमध्ये ६.२ इंच एमोलेड डिस्प्ले दिला असून, याचा रिफ्रेश रेट १२० हर्ट्ज आणि आस्पेक्ट रेशियो २०:९ आहे. स्मार्टफोनमध्ये ऑक्टाकोर Qualcomm Snapdragon ८८८ ५G प्रोसेसर मिळतो. यात रियरला ५० मेगापिक्सल + १६ मेगापिक्सल + २ मेगापिक्सल आणि फ्रंटला १६ मेगापिक्सलचा सेल्फी कॅमेरा मिळतो. यात ६५ वॉट फास्ट चार्जिंग सपोर्टसह ४५०० एमएएचची बॅटरी मिळते. फोन अँड्राइड ११ आधारित ColorOS १२ वर काम करतो. फोनच्या ८ जीबी रॅम व्हेरिएंटची किंमत ४२,९९९ रुपये आहे.

OnePlus 10 Pro 5G

OnePlus 10 Pro 5G मध्ये ६.७ इंच QHD+ डिस्प्ले असून, याचे रिझॉल्यूशन १४४०x३२१६ पिक्सल, रिफ्रेश रेट १२० हर्ट्ज, आस्पेक्ट रेशियो २०.१:९ आहे. याचा पीक ब्राइटनेस १३०० निट्स आहे. यात ऑक्टा कोर Snapdragon ८ Gen १ SoC चा सपोर्ट दिला आहे. तर फोटोग्राफीसाठी रियरला ४८ मेगापिक्सल Sony IMX७८९ सेंसर, ५० मेगापिक्सल Samsung ISOCELL JN१ आणि ८ मेगापिक्सलचा टेलिफोटो शूटर कॅमेरा मिळतो. सेल्फीसाठी ३२ मेगापिक्सलचा कॅमेरा दिला आहे. ५००० एमएएच बॅटरीसह येणाऱ्या या फोनच्या ८ जीबी रॅम + १२८ जीबी स्टोरेजची सुरुवाती किंमत ४,६९९ युआन (जवळपास ५४,५०० रुपये) आहे.

Realme GT 2

Realme GT 2 मध्ये ६.६२ इंच एमोलेड डिस्प्ले दिला असून, याचे रिझॉल्यूशन १४४०x२४०० पिक्सल, रिफ्रेश रेट १२० हर्ट्ज आहे. यात ऑक्टा कोर Qualcomm Snapdragon ८८८ ५G चा सपोर्ट मिळतो. फोटोग्राफीसाठी ५० मेगापिक्सल + ८ मेगापिक्सल + २ मेगापिक्सलचा रियर कॅमेरा आणि सेल्फीसाठी १६ मेगापिक्सलचा कॅमेरा मिळतो. तसेच, ६५ वॉट फास्ट चार्जिंग सपोर्टसह ५००० एमएएचची बॅटरी मिळते. फोनची सुरुवाती किंमत २,६९९ युआन (जवळपास ३१,७०० रुपये) आहे.

​Samsung Galaxy S21 5G

Samsung Galaxy S21 5G मध्ये ६.८ इंच Dynamic AMOLED २X डिस्प्ले दिला असून, याचे रिझॉल्यूशन १०८०x२४०० पिक्सल, रिफ्रेश रेट १२० हर्ट्ज आहे. यात ऑक्टा कोर Samsung Exynos २१०० प्रोसेसरचा सपोर्ट मिळतो. यात रियरला १२ मेगापिक्सल + ६४ मेगापिक्सल + १२ मेगापिक्सलचा कॅमेरा मिळतो. तर फ्रंटला १० मेगापिक्सलचा कॅमेरा दिला आहे. पॉवरसाठी २५ वॉट फास्ट चार्जिंग सपोर्टसह ४००० एमएएचची बॅटरी मिळते. फोनच्या ८ जीबी + १२८ जीबी स्टोरेज व्हेरिएंटची किंमत ६४,९९९ रुपये आहे.

Vivo X70 Pro

Vivo X70 Pro मध्ये ६.५६ इंच डिस्प्ले दिला असून, याचे रिझॉल्यूशन १०८०x२३७६ पिक्सल, रिफ्रेश रेट १२० हर्ट्ज आहे. यात मीडियाटेक डायमेंसिटी १२०० प्रोसेसर दिला आहे. फोनमध्ये फ्रंटला ३२ मेगापिक्सल आणि रियरला ५० मेगापिक्सल + १२ मेगापिक्सल + १२ मेगापिक्सल + ८ मेगापिक्सलचा कॅमेरा मिळेल. फोनमध्ये ४४ वॉट फास्ट चार्जिंग सपोर्टसह ४४५० एमएएचची बॅटरी मिळते. फोनच्या ८ जीबी रॅम + १२८ जीबी स्टोरेज व्हेरिएंटची किंमत ४६,९९० रुपये आहे.