शेंदुर्णी, ता.जामनेर ः वार्ताहर
रोहीत दादा विचार मंचचे प्रमुख तसेच राष्ट्रवादीचे आ. रोहित पवार उद्या रविवारी दुपारी २.३० वाजता शेंदुर्णी येथे भेट देणार असून येथील पाचोरा रोड वरील विघ्नहर्ता हॉस्पिटल येथे भेट देऊन रुग्णांची विचारपूस व कार्यकर्त्यांच्या भेटी घेणार आहेत.
आ.रोहीत पवार शेंदुर्णी येथील सागर गरुड यांच्या विघ्नहर्ता हॉस्पिटल येथे दुपारी २.३० वाजता येणार आहेत. यावेळी रुग्णांची विचारपूस कोरोना काळात योध्दांनी केलेली कामगिरी याबाबत माहिती घेणार आहे. सर्व प्रथम ते कजगावला येऊन ११ वाजता विघ्नहर्ता हॉस्पिटलचे उद्घाटन करणार आहे. त्यानंतर १२ ते २ वाजेपर्यंत पाचोरा येथील विघ्नहर्ता हॉस्पिटलचे कामकाज पाहून कार्यकर्त्यांच्या व रोहित पवार विचार मंचच्या कार्यकर्त्यांशी वार्तालाप करणार आहे. शेंदुर्णी नंतर पहुर मार्गे नेरी येथे कार्यकर्त्यांची भेटी घेणार आहेत.
पाचोरा, कजगाव व शेंदुर्णी येथे होणार्‍या कार्यक्रमाचे आयोजन विघ्नहर्ता हॉस्पिटलचे संचालक सागर गरुड व डॉ.भूषण मगर यांनी केले आहे. डॉ.सागर गरुड यांच्या प्रयत्नामुळे पाचोरा, कजगाव व शेंदुर्णी येथे अल्पदरात रुग्ण सेवा सुरू आहे.
