महाविकास आघाडीतर्फे उद्या नवनियुक्त ग्रामपंचायत सदस्यांचा गौरव सोहळा

अमळनेर ः प्रतिनिधी
महाविकास आघाडीतर्फे मतदारसंघातील ८९ नवनियुक्त ग्रामपंचायत सदस्यांचा गौरव सोहळा उद्या दि.२१ रोजी दुारी ३ वाजता छत्रपती शिवाजी महाराज नाट्यगृहात आ.अनिल भाईदास पाटील व महाविकास आघाडीच्या नेत्यांच्याहस्ते प्रमाणपत्र देऊन गौरवांकित करण्यात येणार आहे.
या समारंभात मतदारसंघातील सर्व सदस्यांनी उपस्थित राहावे, असे आवाहन आ.अनिल भाईदास पाटील यांनी केले आहे.
ग्रामीण भागात ग्रामपंचायत हा विकासाचा महत्वाचा कणा आहे. ग्रामपंचायतीत विजयी झालेल्या नवनियुक्त सदस्यांना गावाचे विकासकामे मिळण्यासाठी प्रेरणा मिळावी या हेतूने आ.अनिल भाईदास पाटील यांनी या कार्यक्रमाचे आयोजन केले आहे.
तरी मतदारसंघातील सर्व सदस्यांनी भेदाभेद न करता या कार्यक्रमाला उपस्थित राहावे व आपल्या गौरवाची संधी द्यावी, असे आवाहन आ.अनिल पाटील व महाविकास आघाडीतर्फे करण्यात आले आहे.