मलकापूर, प्रतिनिधी । शहरातील दोन इसमांनी एकाच दिवशी आत्महत्या केली. यात जुन्या गावातील मंगलगेट जवळील 29 वर्षीय या इसमाने स्वतःच्या घरात साडीने गळफास घेतला तर व वृंदावन नगरातील 38 वर्षीय याने शेतात विषारी द्रव्य प्राशन करून आत्महत्या केल्याची घटना घडल्या. याबाबत मलकापूर पोलिसात गुन्हा दाखल करण्यात आले आहे.
याबाबतची माहिती अशी की, जुन्या गावातील मंगलगेट येथे राहणारे किशोर वसंता वानखेडे (वय 29 वर्षे) याने राहत्या घरातील मागच्या खोलीत टिनाच्या पाईपला साडीच्या साहाय्याने गळफास घेऊन आत्महत्या केल्याची घटना उघडकीस आली. तर दुसऱ्या घटनेत वृंदावन नगर येथील रोशन मुरलीधर टावरी (वय 38) याने वृंदावन नगरच्या मागे असलेल्या शेतामध्ये आंब्याच्या झाडाखाली विषारी औषध प्राशन करून आत्महत्या केल्याची घटना उघडकीस आली. या दोन्ही घटनेत मलकापूर शहर पोलिसांनी गुन्हा दाखल केला असून शहर पोलिस निरीक्षक प्रल्हाद काटकर यांच्या मार्गदर्शनात एएसआय नरेंद्रसिंह ठाकूर, एपीआय म्हसाये, पोहेकॉ दांडगे, हे.कॉ.महाजन तपास करीत आहेत.
