मुक्ताईनगर, प्रतिनिधी । घरामध्ये बनावट विदेशी दारू तयार करणाऱ्याला स्थानिक गुन्हे शाखेच्या पथकाने अटक करण्यात आली आहे. याप्रकरणी मुक्ताईनगर पोलीस स्थानकात गुन्हा दाखल करण्यात आला आहे.
तालुक्यातील कुर्‍हा येथील एक त्याच्या घराच्या गच्चीवर विनापरवाना बनावट विदेशी दारू तयार करत असून शासनाचा कर बुडवत असल्याची माहिती स्थानिक गुन्हे शाखेला मिळाली असता यावर कारवाई करत कुऱ्हा येथील तरूणाला अटक करण्यात आली आहे. याबाबत मुक्ताईनगर पोलीस स्थानकात गुन्हा दाखल करण्यात आला आहे. मुक्ताईनगर तालुक्यातील कुऱ्हा येथील एक तरूण विनापरवाना बनावट विदेशी दारू त्याच्या राहत्या घरावरील गच्चीवर तयार करून विक्री करून शासनाचा मोठ्या प्रमाणावर कर बुडवत असल्याची गोपनीय माहिती स्थानिक गुन्हे शाखेला मिळाली. मिळालेल्या माहितीनुसार जिल्हा पोलीस अधीक्षक डॉ. प्रवीण मुंडे, अप्पर पोलीस अधिक्षक चंद्रकांत गवळी यांच्या मार्गदर्शनाखाली स्थानिक गुन्हे शाखेचे पोलिस निरीक्षक किरणकुमार बकाले स्थानिक गुन्हे शाखेचे पथकातील सहाय्यक फौजदार अशोक महाजन, सुनील दामोदर, दीपक पाटील, प्रमोद लाडवंजारी, किरण धनगर, नंदलाल पाटील, रवींद्र पाटील, सचिन महाजन, अशोक पाटील यांनी धडक कारवाई करत संशयित आरोपी अमोल एकनाथ वानखेडे रा. कुऱ्हा ता. मुक्ताईनगर यांच्या घरी छापा टाकला.
