फैजपूर नगरपालिका अध्यक्ष आणि तत्कालीन मुख्याधिकारी यांच्याविरुद्ध प्रोसेस इशू

यावल, प्रतिनिधी । फैजपूर नगरपरिषदेने केलेल्या कामांचे बिल देण्यासाठी फिर्यादी ठेकेदार सचिन भोंबे यास बिल देण्यासाठी खंडणी मागितली आणि ती खंडणी न दिल्यामुळे तत्कालीन मुख्य अधिकारी सुवर्णा उगले शिंदे,नगराध्यक्षा महानंदा रवींद्र टेकाम,नगरसेवक कलिमखा हैदारखा मणियार, हेमराज खुशाल चौधरी उर्फ डालु शेठ,रशीद नशिर तडवी,मिलिंद शंकर वाघुळदे,शेख कुर्बान शेख याकूब यांनी फौजदारी कट रचून ठेकेदारास काळ्या यादीत टाकून बदनामी केल्यामुळे त्यांनी यावल न्यायालयात सन2019 मध्ये तक्रार केली होती.त्यावर दि. 18/10/2021रोजी यावल न्यायालयाने भा.द.वी.कलम 385,463,464,465,469, 470,471,499,120B व 511 प्रमाणे प्रोसेस इश्यु केलेने संपूर्ण राजकीय क्षेत्रात नगरपरिषद वर्तुळात एकच खळबळ उडाली आहे.याकामी तक्रारदार सचिन भोंबे यांचे तर्फे अड.व्हि.एच्. पाटील जळगाव यांनी काम पाहिले.