पत्रकाराने जास्तीचे मिळालेले ५० हजार रुपये केले परत

धानोरा, ता. चोपडा ः वार्ताहर
आज प्रामाणिकपणा संपलेला नाही. त्यातील उत्तम उदाहरण म्हणजे धानोरा (ता.चोपडा) येथील तरुण शिक्षक पत्रकार प्रशांत सोनवणे यांना येथील सेंट्रल बँकेत जास्तीचे मिळालेले ५० हजार रुपये क्षणाचा विलंब न करता त्यांनी लगेच परत केले.त्यांच्या या प्रामाणिकपणाचे परिसरात कौतुक होत आहे.
धानोरा येथील पत्रकार व श्री समर्थ रघुनाथबाबा माध्यमिक व उच्च माध्यमिक विद्यालयातील शिक्षक प्रशांत सोनवणे यांचे गावातच ग्राहक सेवा केंद्र आहे. त्या निमित्त बँकेत नेहमीच ये-जा असते. दि.१७ रोजी दुपारी १ वाजता बँकेत दोन वेगवेगळ्या खात्यावरील रक्कम काढली असता त्यात ५० हजार रुपये जास्तीचे आले, असे लक्षात आले. त्यांनी घरी न जाता बँकेत जास्तीचे मिळालेले पैसे बँकेतच परत करुन दिले. त्यांच्या या प्रामाणिकपणाचे कौतुक शाखाधिकारी संदीप यादव, माजी उपसभापती माणिकचंद महाजन, सरपंच सुनिता कोळी, उपसरपंच विजय चौधरी, सातपुडा शिक्षण संस्थेचे अध्यक्ष बी.एस.महाजन, प्राचार्य के.एन.जमादार,
विकासो चेअरमन पन्नालाल पाटील, विकासो चेअरमन अनिल महाजन, पत्रकार संघाचे तालुकाध्यक्ष राजेंद्र चौधरी, विलास सोनवणे, वासुदेव महाजन, सुरेश महाजन, ‘साईमत’चे पत्रकार प्रशांत चौधरी, प्रविण ठाकूर, नाना सोनवणे, राजेंद्र बोदडे, श्री समर्थ वासुदेवबाबा ग्राहक सेवा केंद्राच्या योगेश्‍वरी सोनवणे, विलास सोनवणे, शुभम महाजन, अविनाश सोनवणे, सुनिल मेडीकल, चंद्रकिरण मेडीकल तसेच परिसरातून कौतुक केले जात आहे.
प्रामाणिकपणा आमच्या अंगात
लोकांची भांडी घासून नोकरीला लागलो आहे. श्रमाचे मोल आम्ही पिढी घडविण्यासाठी वापरतो. ते स्वतः अंगिकारले आहे. म्हणून लागलीच पैसै परत केले.
– प्रशांत सोनवणे