जळगाव ः प्रतिनिधी
शहरातील दुरदर्शन टॉवरजवळ आयशर आणि गॅस कंन्टेनरची समोरासमोर जोरदार धडक दिल्याची घटना आज सकाळी ६ वाजेच्या सुमारास घडली.त्यात आयशर चालक जखमी झाला असून गॅस कंटेनरचा चुराडा झाला आहे.सुदैवाने प्राणहानी टळली.
घटनेची अधिक माहिती अशी की, यमुना ईश्वर माळी रा. धुळे यांच्या मालकीचा ट्रक (एमएच-१८बीएच५३५५) नागपूरहून मालेगावकडे कापडाचे सुत घेवून निघाला होता. आज सकाळी ६ वाजेच्या सुमारास राष्ट्रीय महामार्ग क्र.सहावरील दुरदर्शन टॉवरजवळून जात असतांना समोरून भरधाव वेगाने येणार्‍या गॅस कंन्टेनरने आयशरला जोरदार धडक दिली. त्यात गॅस कंटेनरच्या पुढचा भागाचा पूर्णपणे चुराडा होवून गॅसने भरलेले कंटेनर रोडाच्या बाजूला असलेल्या गड्ड्यात पडला. गँस कंटेनरचा चालक हा फरार झाला आहे.तर आयशर वरील चालक गोरख गोविंदा पाटील (वय-२५) रा.रतनपूरा बोरकून ता.जि.धुळे हा किरकोळ जखमी झाला असून आयशर गाडीच्या पुढच्या भागाचे नुकसान झाले आहे.घटनेची माहिती मिळताच एमआयडीसी पोलीस स्टेशनचे कर्मचारी गणेश शिरसाळे आणि चंद्रकांत पाटील यांनी घटनास्थळी जावून अपघाताचा पंचनामा केला. याप्रकरणी एमआयडीसी पोलीस ठाण्यात अपघाताची नोंद घेण्याचे काम सुरू होते.
