जामनेर : प्रतिनिधी
जामनेर पंचायत समितीच्या सभापतीपदी भारतीय जनता पक्षाचे जलाल सुलेमान तडवी (चिंचखेडा-तवा) यांची बिनविरोध निवड करण्यात आली. ही निवड येथील पंचायत समितीच्या सभागृहामधे दुपारी २ वाजता बोलाविण्यात आलेल्या विशेष सभेत करण्यात आली.
सभेच्या पिठासीन अधिकारीपदी तहसिलदार अरूण शेवाळे होते. सहायक अधिकारी म्हणून गटविकास अधिकारी श्रीमती कवडदेवी होत्या.निवड प्रसंगी पंचायत समितीचे बहुतांश सदस्य उपस्थित होते. सभापती निवडीनंतर माजी मंत्री तथा आ.गिरीश महाजन यांच्या निवासस्थानी नवनिर्वाचीत सभापती जलाल तडवी यांचा नगराध्यक्षा साधना महाजन यांनी शाल, श्रीफळ, पुष्पगुच्छ देऊन सत्कार केला. यावेळी भाजपचे ज्येष्ठ नेते अॅड.शिवाजी सोनार, छगनराव झाल्टे, भाजपचे तालुकाध्यक्ष चंद्रकांत बाविस्कर, सरचिटणीस रवींद्र झाल्टे, आनंदा लाव्हरे, जि.प.सदस्य रजनी चव्हाण, पंचायत समिती सदस्यांमधे मावळत्या सभापती सुनंदा पाटील, रुपाली पाटील, सुरेश बोरसे, निता पाटील, संगिता पिठोडे, प्रल्हाद पाटील, नवल पाटील, स्वीय सहायक दीपक तायडे, विलास पाटील, गोपाळ नाईक, कमलाकर पाटील आदी पदाधिकारी व कार्यकर्ते उपस्थित होते.
