जामनेर, प्रतिनिधी । येथील कांग नदीच्या बोदवड पुलाखाली बोदवड येथील शुभम नंदू माळी वय २५ या युवकाचा मृतदेह आढळून आला आहे.
बोदवड येथील शुभम नंदू माळी हा युवक पहूर येथील खाजगी ट्रकवर चालक म्हणून काम करीत असल्याची माहिती स्थानिक लोकांनी दिली असून तो पहूर येथून आप ला ट्रक खाली करून मालकाच्या ताब्यात देऊन आपल्या गावाकडे म्हणजे बोदवड कडे त्याने दुसऱ्याची गहाण ठेवलेल्या मोटार सायकल क्रमांक एम एच १९ डी एस २६४१ घेऊन तो निघाला असल्याची माहिती मिळत आहेत.
तो बो दवड कडे जात असताना त्याचा मृतदेह जामनेर शहराला लागून असलेल्या कांग नदीवरील बो दवड पुलाखाली आढळून आला आहे. तर त्याची मोटर सायकल त्याच पुलाखाली काही अंतरावर आढळून आली आहे. या घटनेने जामनेर शहरात घात की अपघात याबाबत उलट सुलट चर्चा होत आहे. या घटनेची माहिती मिळताच जामनेर पोलीस निरीक्षक किरण शिंदे हे आपल्या सहकाऱ्यांसह घटना स्थळी दाखल झाले असून मृतदेह शव विच्छेदन करण्यासाठी उपजिल्हा रुग्णालयात आणण्यात आला आहे. मयताच्या नातेवाईकांच्या फिर्यादी वरून जामनेर पोलीस स्टेशन मध्ये अज्ञात व्यक्ती विरोधात गुन्हा दाखल करण्याचे काम सुरू आहे. मयताच्या पच्यात आई, बहिणी असा परिवार असून तो चार बहिणींचा एकुलता एक भाऊ असल्यामुळे त्यांच्या जाण्याने परिसरात शोक कळा पसरली आहे.
