जळगाव, प्रतिनिधी । जळगावातील एका भागातील तरुणी जात असतांना तिच्या हातातून एका अज्ञात चोरट्यांनी मोबाईल लांबविल्याची घटना घडली. याप्रकरणी जिल्हापेठ पोलीस स्थानकात गुन्हा दाखल करण्यात आला आहे.
शहरातील नुतन मराठा महाविद्यालयाजवळ तरूणी मोबाईलवर बोलत असतांना अज्ञात चोरट्यांनी हातातून हिसकावून लांबविल्याची घटना घडली. याप्रकरणी जिल्हापेठ पोलीस ठाण्यात गुन्हा दाखल करण्यात आला आहे. माधुरी धोंडू मिस्तरी वय 25 रा. रेणुका नगर, वरणगाव ता. भुसावळ ह.मु. प्रताप नगर जळगाव या शिक्षण घेत आहे. सोमवार ३ जानेवारी रोजी सकाळी ९ वाजेच्या सुमारास नूतन मराठा महाविद्यालयाजवळ एका ठिकाणी मोबाईलवर बोलत असतांना त्यांच्या पाठीमागून अज्ञात दोन जण येवून त्यांच्या हातातील ७ हजार रूपये किंमतीचा मोबाईल हिसकावून लांबविला. त्यांनी आरडाओरड केली परंतू काही वेळातच दोघे अज्ञात चोरटे पसार झाले होते.
याप्रकरणी जिल्हापेठ पोलीस ठाण्यात रात्री ११ वाजता तरूणीने तक्रार दिली आहे. त्यांच्या तक्रारीवरून अज्ञात चोरट्यांविरोधात जिल्हापेठ पोलिस ठाण्यात गुन्हा दाखल करण्यात आला आहे पुढील तपास सहाय्यक पोलिस निरीक्षक किशोर पवार करीत आहे.
