यावल : तालुका प्रतिनिधी
तालुक्यातील किनगावातून घरासमोर लावलेली दुचाकी अज्ञात चोरट्यांनी चोरून नेल्याची घटना उघडकीस आली आहे. या प्रकरणी यावल पोलिस स्टेशनला तक्रार दाखल करण्यात आली आहे.
दरम्यान या संदर्भात पोलिस सूत्रांकडून मिळालेल्या माहितीनुसार सत्तार बिस्मिल्ला पिंजारी (वय ४२) रा.किनगाव खुर्द हे २६ मार्च रोजी आपल्या मित्रासोबत फैजपूर येथे गेले होते व ते रात्री ८ वाजता किनगाव येथे आपल्या गावी परतल्यावर रात्री त्यांनी आपल्या घरासमोर लावलेली बजाज पल्सर हे दुचाकी वाहन कुणीतरी घेवून गेल्याची बाब २७ मार्च रोजी सकाळी ७ वाजेच्या सुमारास ते घराबाहेर आल्यावर आदी सर्वत्र शोध घेतल्यावरसमजले.
अखेर पिंजारी यांनी बजाज पल्सर या कंपनीची सुमारे ४० हजार रूपये किंमतीची मोटारसायकल क्रमांक एमएच १९ सीके ४७८५ हे दुचाकी वाहन अज्ञात चोरट्यांनी चोरून नेल्याची तक्रार दिली असून यावल पोलिस स्टेशनमध्ये तक्रार बिस्मिल्ला पिंजारी यांनी दिलेल्या माहितीवरून अज्ञात चोरट्यांविरूध्द भादंवि कलम ३७९ प्रमाणे गुन्हा दाखल करण्यात आला आहे. पुढील तपास पोलिस निरीक्षक सुधीर पाटील यांच्या मार्गदर्शनाखाली पोलिस करीत आहे.
