जळगाव, प्रतिनिधी । एका भागात राहणाऱ्या १५ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना घडली. याप्रकरणी एमआयडीसी पोलीस स्थानकात अज्ञाताविरुद्ध गुन्हा दाखल करण्यात आला आहे.
शहरातील एका भागात राहणाऱ्या १५ वर्षीय अल्पवयीन मुलीला अज्ञात व्यक्तीने फूस लावून पळवून नेल्याचा धक्कादायक प्रकार समोर आला आहे. याप्रकरणी अल्पवयीन मुलीच्या आईच्या फिर्यादीवरून एमआयडीसी पोलीस ठाण्यात गुन्हा दाखल करण्यात आला आहे. जळगाव शहरातील एका भागात १५ वर्षीय मुलगी आपल्या आई- वडिलांसह राहते. शुक्रवार १७ डिसेंबर रोजी सायंकाळी ६ वाजता अल्पवयीन मुलगी आजीच्या घरी गेली होती. त्यावेळी तिला अज्ञात व्यक्तीने काहीतरी आमीष दाखवून फूस लावून पळवून नेल्याचा धक्कादायक प्रकार समोर आला आहे. अल्पवयीन मुलीचा परिसरात शोध घेतला, परंतु मिळून ती सापडली नाही. यासंदर्भात मुलीच्या आईच्या फिर्यादीवरून एमआयडीसी पोलीस ठाण्यात रात्री ११ वाजता अज्ञात व्यक्तीवर गुन्हा दाखल करण्यात आला आहे. याप्रकरणी पुढील तपास पोउनि दीपक जगदाळे करीत आहे.
