जळगाव, प्रतिनिधी । भुसावळ , बोदवड व मुक्ताईनगर तालुक्यांच्या विविध गावांमधील असंख्य तरुण अखिल भारतीय लेवा पाटीदार युवक महासंघात प्रवेश करण्यास ईच्छुक आहेत त्यापार्श्वभुमीवर पदविस्तार व नियोजन करण्यासाठी आढावा बैठक नागेश्वर मंदिर वरणगाव येथे घेण्यात आली .
कार्यक्रमाच्या प्रारंभी सप्तश्रृंगी माता , लोहपुरुष सरदार वल्लभभाई पटेल व बहिणाबाई चौधरी यांच्या प्रतिमेला वंदन करून व प्रदेशाध्यक्ष मा.श्री. प्रदिप (बंडू ) भोळे व जिल्हा कार्याध्यक्ष श्री. अमोल कोल्हे यांच्या हस्ते पुष्पहार अर्पण करण्यात आला . उपस्थित युवकांच्या वतीने प्रदेशाध्यक्ष श्री. प्रदिप ( बंडू ) भोळे , जिल्हा कार्याध्यक्ष श्री. अमोल कोल्हे , प्रदेश सदस्य श्री. निखिल रडे , जिल्हा सदस्य श्री. अविनाश ( बापू ) बऱ्हाटे यांचा पुष्पगुच्छ देऊन सत्कार करण्यात आला.
कार्यक्रमाचे प्रास्ताविक अमोल कोल्हे यांनी केले त्यामध्ये त्यांनी सांगितले , आज लेवा समाज बांधवांनी एकत्र येणे व कुठेही समाजावर अन्याय होत असल्यास त्याठिकाणी आवाज उठवणे समाजबांधवांना सहकार्य करणे हि काळाची गरज आहे . तसेच समाजकार्याची आवड असणाऱ्या चांगल्या युवकांनी मोठ्या संख्येने महासंघात यावे असे आवाहन त्यांनी केले . अध्यक्षीय भाषणात श्री. प्रदीप ( बंडू ) भोळे यांनी ग्रामीण भागातील बहुतांश लेवा समाजाचा शेती हा पिढीजात व्यवसाय असुन शेती बरोबरच पूरक जोड धंदा व आधुनिक शेती केल्याने युवक बरोजगारी वर मात करून समाजाची उन्नती होईल आणि गावोगावी अखिल भारतीय लेवा पाटीदार युवक महासंघाच्या शाखा लावणे व समाजकार्याची पद्धत आदि विषयांवर मार्गदर्शन केले .
सर्व उपस्थित युवकांनी स्वतःचा परिचय करुन दिला . भुसावळ मुक्ताईनगर बोदवड तालुक्यांमध्ये महासंघाच्या 20 शाखा युवकांनी तयार केलेल्या असुन लवकरच त्या शाखांचे उदघाटन करण्यात येणार आहे व सरदार वल्लभभाई पटेल जयंती पर्यंत 100 शाखांचे अनावरण करण्याचे महासंघाचे नियोजन व उद्दिष्ट आहे . उपस्थित सर्वानुमते आचेगावचे ग्रामपंचायत सदस्य श्री. अक्षय बेंडाळे यांची भुसावळ तालुका अध्यक्ष पदि करण्यात आली व प्रदेशाध्यक्ष प्रदीप ( बंडू ) भोळे यांच्या हस्ते त्यांचा सत्कार करण्यात आला .
कार्यक्रमाचे सुत्रसंचलन ऋषिकेश कोलते यांनी केले तर आभार प्रदर्शन अमोल कोल्हे यांनी केले . कार्यक्रमात अक्षय दिलीप बेंडाळे , ऋषिकेश कोलते, आकाश डिंगबर पाटील , रोशन अरुण इंगळे , सागर उद्धव पाटील , मयूर अनिल इंगळे , विशाल विनोद पाटील , प्रदीप रमेश वारके , कुणाल सुरेश नेमाडे , नरेंद्र पुरुषोत्तम पाटील , शुभम ज्ञानदेव पाटील , रुपेश अरुण पाटील , प्रतीक संजय इंगळे , प्रणव निलेश पाटील , लोकेश सुधाकर पाटील, संकेत संतोष वारके , प्रवीण मधुकर इंगळे , प्रथमेश यादव पाटील , जितेंद्र शेणफळू पाटील , ऋषिकेश विजय पाटील , विशाल सुरेश नेमाडे , विष्णू इंगळे , चेतन रवींद्र भोळे , कल्पेश उखर्दू पाटील , लोकेश राजेंद्र खाचणे , शुभम किशोर खर्चे , दशरथ दिलीप पाटील , गोविंदा जनार्धन पाटील , देवेंद्र विष्णू इंगळे आदि कार्यकर्ते उपस्थित होते .
